मोठी बातमी! मुंबईतील म्हाडा घरांच्या किमतीत मोठी वाढ, ऐनवेळी किंमतीत बदल करण्याची वेळ

मुंबई: म्हाडाच्या मुंबई मंडळाच्या ऑक्टोबर 2024 च्या सोडतीत पुनर्विकासाअंतर्गत उपलब्ध असलेल्या 370 घरांच्या किमती 10 ते 25 टक्क्यांनी म्हाडाने कमी करून अर्जदारांना दिलासा दिला आहे. मात्र, याच काळात 370 पैकी 14 अल्पगटातील घरांच्या किमती 20 टक्क्यांनी कमी होण्याऐवजी 12 ते 13 लाख रुपयांनी वाढल्या आहेत.

मुंबई मंडळाच्या अधिकाऱ्यांनी घराच्या किमती निश्चित करताना केलेल्या गोंधळाचा परिणाम अर्जदारांना भोगावा लागत आहे. या 14 घरांच्या किमती रेडी रेकनरनुसार निश्चित करण्यात आल्या होत्या. त्यामुळे अर्ज विक्री-मंजुरी प्रक्रियेला काही दिवस शिल्लक असताना किमतीत बदल करण्याची नामुष्की मंडळावर आली. या घरांच्या सुधारित किमती मंडळाने जाहीर केल्या आहेत.

मुंबई विभागात म्हाडा कॉलनीच्या 33(5) अंतर्गत पुनर्विकास आणि 33(7) अंतर्गत उपकरप्राप्त इमारतींच्या पुनर्विकासामार्फत 2024 च्या सोडतीसाठी 370 घरे उपलब्ध आहेत. या नियमानुसार उपलब्ध घरांच्या किमती या क्षेत्राच्या शीघ्रगणक दराच्या 110 टक्के दराने निश्चित केल्या जातात. मात्र, क्षेत्रफळ, उत्पन्न गट आणि घरांच्या किमतीत तफावत असल्याने ही घरे महाग झाली आहेत. त्यामुळे म्हाडावर बरीच टीका झाली होती.

तीन कोटींची घरे अल्प गटातील नागरिकांसाठी गेली. ही टीका लक्षात घेऊन म्हाडा प्राधिकरणाने उत्पन्न गटानुसार घरांच्या किमती 10 ते 25 टक्क्यांनी कमी केल्या आहेत. त्यानुसार 370 घरांच्या किमती कमी करून नवीन किमती म्हाडाच्या सोडीच्या संकेतस्थळावर प्रसिद्ध करण्यात आल्या आहेत. दरम्यान, या 370 घरांपैकी कुर्ल्यातील इंडेक्स क्रमांक 495 मधील अल्प गटातील स्वानंद प्रकल्पातील 14 घरांच्या किमती नियमानुसार 20 टक्क्यांनी कमी होणे अपेक्षित होते.

किंमत 58 लाख 63 हजार रुपये

‘स्वानंद’ प्रकल्पात 14 घरांची किंमत अनुक्रमे 43 लाख 97 हजार 959 रुपये आणि 45 लाख 40 हजार 200 रुपये निश्चित करण्यात आली होती.

म्हाडा प्राधिकरणाच्या 28 ऑगस्टच्या निर्णयानुसार या घरांच्या किमतीत 20टक्क्यांनी कपात होईल, अशी आशा या घरांसाठी अर्ज भरलेल्यांना तसेच अर्ज भरू इच्छिणाऱ्यांना होती. (According to the 28 August decision of the MHADA authority, the price of these houses will be reduced by 20 percent, the hope of those who have applied for these houses as well as those who want to apply.)

किंमत कमी करण्याऐवजी 2 सप्टेंबर रोजी 12 ते 13 लाख रुपयांपर्यंत वाढवण्यात आली. त्यानुसार 43 लाख 97 हजार 959 रुपये असलेल्या घराची किंमत 56 लाख 79 हजार 313 रुपये झाली आहे. ज्या घरांची किंमत 45 लाख 40 हजार 200 रुपये होती त्यांची किंमत आता 58 लाख 63 हजार 263 रुपये झाली आहे.

चुकीचे दर

मुंबई मंडळाच्या शुद्धीपत्रकानुसार, या घरांच्या किमती 2024-25 च्या प्राथमिक शीघ्रगणकानुसार ठरविण्यात आल्या होत्या. मात्र, चुकीच्या शीघ्रगणकाचे दर आकारण्यात आले. प्रति चौरस मीटर 1 लाख 25 हजार 170 रुपये दर निश्चित करण्यात येणार असताना संबंधित अधिकाऱ्याने 85 हजार 294 रुपये प्रति चौरस मीटर दर निश्चित केला. असे सांगण्यात येत आहे.

वाचा : म्हाडाचा मरीन लाईन्स येथे 2 BHK फ्लॅट, सॅम्पल फ्लॅटसह संपूर्ण माहिती