म्हाडा मुंबई अल्प व अत्यल्प गट संपूर्ण माहिती । Mhada Mumbai Lottery EWS group details

मुंबई: म्हाडाच्या (Mhada) मुंबई मंडळाच्या सप्टेंबर 2024 च्या सोडतीतील घरांच्या किमती या वर्षीही नेहमीप्रमाणेच वाढल्या आहेत. मात्र यावेळी अल्प गटातील घरांच्या किमतीने कोटींची मर्यादा ओलांडली आहे. वरळीतील एका अल्प गटाच्या घराची किंमत 2 कोटी 62 लाख 15 हजार 539 रुपये आहे.

आता 75 हजार रुपये मासिक उत्पन्न असलेलय लोकांना हे घर कसे परवडणार, असा प्रश्न उपस्थित होत आहे. तर मुंबई इमारत दुरुस्ती व पुनर्रचना मंडळाकडून मिळालेल्या घरांच्या किमती जवळपास निम्म्या आहेत. त्यामुळे ही घरे सर्वसामान्य विजेत्यांना परवडणारी नाहीत.

घरांसाठी मुंबई मंडळाच्या लॉटरीसाठी प्रक्रिया शुक्रवारपासून सुरू झाली. ही प्रक्रिया 4 सप्टेंबरपर्यंत सुरू राहणार आहे. 13 सप्टेंबर रोजी सोडतीचा निकाल जाहीर होणार आहे. मुंबईतील म्हाडाची घरे अत्यल्प आणि अल्प गटांसाठी अत्यंत महत्त्वाची आहेत. दोन्ही गटातील लोक सोडतीकडे डोळे लावून होते. मात्र आज अर्ज विक्री व स्वीकृतीस सुरुवात झाली असता भाव पाहून त्यांची मोठी निराशा झाली.

वडाळा आणि इतर ठिकाणी लहान गटातील घरेही दीड ते दोन कोटींच्या घरात आहेत. 9 लाख रुपये (प्रति महिना 75 हजार रुपये) वार्षिक कौटुंबिक उत्पन्न असलेल्या अर्जदारांना ही घरे कशी परवडतील, असा प्रश्न उपस्थित होतो.

दरम्यान, दुरुस्ती मंडळाकडून या सोडतीसाठी शहरातील 89 घरे उपलब्ध करून देण्यात आली आहेत. यातील काही घरे दुरुस्ती मंडळाने मागील सोडतीत उपलब्ध करून दिली होती. त्यावेळी या घरांच्या किमती खूप होत्या. तारदेव येथील सात घरांची किंमत साडेसात कोटी रुपये होती. 2023 च्या सोडतीतील सात घरांपैकी एकही घर विकले गेले नाही कारण किंमत अगदी उच्च वर्गाला परवडणारी नव्हती. यावेळी पुन्हा सोडतीत या घराचा समावेश करण्यात आला आहे.

रेडीरेकनर नुसार दर निश्चिती

याबाबत मुंबई मंडळाच्या वरिष्ठ अधिकाऱ्यांना विचारणा केली असता, क्षेत्रफळानुसार घरांचा समावेश अल्प गटात करण्यात आला आहे. तर दुरुस्ती मंडळाकडून मिळालेल्या घरांची किंमत संबंधित जागेच्या रेडीरेकनर दराच्या 110 टक्के दराने निश्चित केली जाते. त्यानुसार भाव निश्चित करण्यात आल्याचे त्यांनी सांगितले.

वाचा : खुशखबर! मुंबईत म्हाडाच्या घरांसाठी जाहिरात प्रसिद्ध; पहा संपूर्ण घरांच्या किमती